Кірыліца ў сеціве

Щ, щ (назва: шта) — знак некаторых славенскіх кірылічных азбукаў: 27-ы ў расейскай (вымаўлеецца як мяккае ш [ш’]), 26-ы ў балгарскай (прамаўляецца як [шт]) і 30-ы ва ўкраінскай (прамаўляецца як цьвердае [шч], або мяккае ш [ш’]); выкарыстоўваецца таксама ў пісьменствах некаторых неславенскіх народаў. У беларускай азбуцы адсутнічае, заміж Щ выкарыстоўваецца спалучэньне «шч»; зь сэрбскае азбукі адменена правапісам Вука Караджыча (заменена звычайна на «ћ» ці «шћ», паводле вымаўленьня); у македонскай азбуцы адсутнічае з самага яго стварэньня ў 1944 годзе. У кірыліцы звычайна лічыцца 25-м па парадку (калі гаворка ідзе пра стараславенскую азбуку, дзе Щ прынята ставіць перад Ц) ці 28-м (у царкоўнаславенскай азбуцы, дзе, як і ў расейскай, ставяць пасьля Ш), выглядае як

і лікавага значэньня не мае; у глаголіцы па ліку 26-ы, выглядае як

і мае лікавае значэньне 800. У стараславенскай чытаецца як [ш’т’].